ງານໄດ້ຈັດຂຶ້ນໃນວັນທີ 08-10 ກຸມພາ 2021 ທີ່ສູນການຄ້າ ແຟຣນຊິບມໍ ນະຄອນປາກເຊ, ແຂວງຈຳປາສັກ. ເພື່ອເປັນການຜັນຂະຫຍາຍຍຸດທະສາດ ກາເຟລາວ ແລະ ສົ່ງເສີມດ້ານການຕະຫຼາດກາເຟໃຫ້ກວ້າງຂວາງທັງຢູ້ພາຍໃນ ແລະ ຕ່າງປະເທດ.
“ຄາເຟ່ ອາເມຊອນ” ໄດ້ຮ່ວມເປີດບູ໊ດໃນງານ ເປັນການພົບປະແລກປ່ຽນ ແລະ ຈັບຄູ່ທຸລະກິດ, ການຊື້-ຂາຍ ລະຫວ່າງຜູ້ຜະລິດກາເຟ ຫຼື ຊາວສວນ ແລະ ຜູ້ປຸງແຕ່ງ ການວາງສະແດງສິນຄ້າທີ່ຊ່ວຍໜູນການຜະລິດ-ການປຸງແຕ່ງ ໃນການຫັນເປັນອຸດສາຫະກຳ ແລະ ຫັນເປັນທັນສະໄໝ ທີ່ເພີ່ມປະສິດທິພາບການຜະລິດກະສິກຳໃຫ້ສູງຂຶ້ນ.
