ວັນທີ 07 ກັນຍາ 2021 ບໍລິສັດ ພີທີທີ (ລາວ) ຈໍາກັດ ໂດຍ ທ່ານ ວັນສະຫວ່າງ ສ່ອງແສງ ຮັກສາການຜູ້ອຳນວຍການບໍລິສັດ ພ້ອມດ້ວຍຄະນະ ເຂົ້າມອບເງິນສິໜັບສະໜູນ ກອງປະຊຸມໃຫຍ່ຜູ້ແທນ ອົງຄະນະພັກ ກະຊວງ ອຸດສາຫະກຳ ແລະ ການຄ້າ ສະໄໝທີ V ມູນຄ່າ 50,000,000 ກີບ ໂດຍໄດ້ຮັບກຽດຈາກ ທ່ານ ຄຳແພງ ໄຊສົມແພງ ລັດຖະມົນຕີ  ກະຊວງ ອຸດສາຫະກຳ ແລະ ການຄ້າ ເຂົ້າຮ່ວມໃນພິທີມອບ ເພື່ອເປັນການສະໜັບສະໜູນກອງປະຊຸມສຳຄັນຂອງກະຊວງ ເຊິ່ງຈັດຂຶ້ນໃນທຸກໆ 5 ປີ ແລະ ເປັນການສ້າງສຳພັນອັນດີງາມກັບພາກລັດຂອງລາວອີກດ້ວຍ.