ວັນທີ 9 ມັງກອນ 2023 ນີ້ ບໍລິສັດ ພີທີທີ (ລາວ) ຈໍາກັດ แລະ ບໍລິສັດ ລາວທານີ ກົນຈັກໜັກ ຈໍາກັດຜູ້ດຽວ (ບຼູດອດ) ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມືຕິດຕັ້ງສະຖານີສາກລົດໄຟຟ້າ ພາຍໃຕ້ແບຣນ EV Station Pluz | Blue Dot ພາຍໃນພື້ນທີ່ປ້ໍານ້ຳມັນ ພີທີທີ (ລາວ) ຈຳກັດ ໃນທົ່ວປະເທດ ຕາງໜ້າໂດຍໂດຍ ທ່ານ ທິຣະ ວິຣະວົງ ຜູ້ອໍານວຍການ ບໍລິສັດ ພີທີທີ (ລາວ) ຈຳກັດ ແລະ ທ່ານລັດສະສີພົນ ພິມພະຈັນ ຜູ້ອໍານວຍການ ບໍລິສັດ ລາວທານີ ກົນຈັກຫນັກ (ບຼູດອດ). ເຂົ້າຮ່ວມເປັນສັກຂີພະຍານຈາກ ຄະນະຜູ້ບໍລິຫານງານ, ຕະຫຼອດຮອດພະນັກງານຂອງທັງສອງຝ່າຍ ແລະ ມີບັນດາແຂກຈາກພາກສ່ວນທີ່ກ່ຽວຂ້ອງກໍ່ໄດ້ໃຫ້ກຽດເຂົ້າຮ່ວມໃນພິທີຢ່າງພ້ອມພຽງ.
ເພື່ອເປັນການຮອງຮັບຄວາມຮຽກຮ້ອງຕ້ອງການ, ການເພີ່ມຂຶ້ນຂອງຈໍານວນລົດໄຟຟ້າໃນ ສປປລາວ ແລະ ເພື່ອອຳນວຍຄວາມສະດວກ ໃນການເດີນທາງດ້ວຍລົດໄຟຟ້າຈາກປະເທດອ້ອມຂ້າງເປົ້າໝາຍເພື່ອໃຫ້ປະເທດລາວເປັນ Land-Link ຂອງ ASEAN ຢ່າງແທ້ຈິງ, ເພື່ອກໍ່ສ້າງ ແລະ ຂະຫຍາຍສະຖານີສາກລົດໄຟຟ້າໃຫ້ຄວບຄຸມພື້ນທີ່ທຸກການເດີນທາງຂອງທ່ານ ພາຍໃຕ້ແນວຄິດ Concept ວ່າ H2H “Connect your HOME TO your HOLIDAY” ທີ່ສາມາດຕອບໂຈດການເດີນທາງໄປ-ກັບຈາກເຮືອນຂອງທ່ານເພື່ອໄປເຖິງຈຸດໝາຍປາຍທາງ ແລະ ບັນດາສະຖານທີ່ທ່ອງທ່ຽວຕ່າງໆໃນ ສປປລາວ ເພື່ອເປັນການສະໜັບສະໜູນການທ່ອງທ່ຽວສີຂຽວ ແລະ ເປັນມິດກັບທຳມະຊາດ ແລະ ສິ່ງແວດລ້ອມ.
ລະບົບສະຖານີສາກລົດໄຟຟ້າ EV Station Pluz | BlueDot ນັ້ນ ແມ່ນມີຕູ້ສາກ ທີ່ໄດ້ຮັບມາດຕະຖານຈາກຢູໂຣບ (CE Certificate) ຊຶ່ງມີກໍາລັງໄຟຟ້າສູງເຖິງ 182 kW ແລະ 202kW ເຊິ່ງເປັນຕູ້ສາກທີ່ໄວທີ່ສຸດໃນຕອນນີ້, ລຸ້ນ ADC182 ປະກອບມີຫົວສາກ DC ແບບ CCS2 ຂະໜາດ 160kW (160 ກິໂລວັດ) ຈຳນວນ 2 ຫົວ ແລະ ຫົວສາກ AC ແບບ Type2 ຂະໜາດ 22 kW (22 ກິໂລວັດ) ອີກ 1 ຫົວ, ແລະ ລຸ້ນ ADC202 ປະກອບມີຫົວສາກ DC ແບບ CCS2 ຂະໜາດ 180kW (180 ກິໂລວັດ) ຈຳນວນ 2 ຫົວ ແລະ ຫົວສາກ AC ແບບ Type2 ຂະໜາດ 22 kW (22 ກິໂລວັດ) ອີກ 1 ຫົວ, ເຊິ່ງສາມາດໃຫ້ບໍລິການໄດ້ 3 ຄັນໃນເວລາດຽວກັນໄດ້ເລີຍ.ເນື່ອງຈາກປະເທດເພື່ອນບ້ານກໍ່ຄືປະເທດໄທກໍມີການຂະຫຍາຍສະຖານີສາກລົດໄຟຟ້າ (EV Station PluZ) ໃນຂອບເຂດເກືອບທົ່ວປະເທດແລ້ວ ແລະ ໃນປະເທດໄທກໍ່ກຳລັງເປັນທີ່ນິຍົມກັນຫັນມາໃຊ້ລົດໄຟຟ້າເຊັ່ນກັນ ໃນປີ 2023 ນີ້ພວກເຮົາຮ່ວມມືກັນວາງແຜນຂະຫຍາຍສະຖານີສາກລົດໄຟຟ້າພາຍໃນປໍ້ານໍ້າມັນ ພີທີທີ (ລາວ) ຈໍາກັດ ຢູ່ 10 ຈຸດຄື: ສະຖານີນ້ຳມັນ ດອນກອຍ, ສະຖານີນ້ຳມັນ ຫຼັກ21, ສະຖານີນ້ຳມັນ ໜອງແຕ່ງ, ສະຖານີນ້ຳມັນ ຫຼວງພະບາງ, ສະຖານີນ້ຳມັນ ວັງວຽງ, ສະຖານີນ້ຳມັນ ກາສີ, ສະຖານີນ້ຳມັນ ປາກຊັນ, ສະຖານີນ້ຳມັນ ທ່າແຂກ, ສະຖານີນ້ຳມັນ ສະຫວັນນະເຂດ ແລະ ສະຖານີນ້ຳມັນ ປາກເຊ.ການຮ່ວມມືລະຫວ່າງ ລາວທານີ ແລະ ພີທີທີ ລາວ ໃນຄັ້ງນີ້ຖືເປັນໂອກາດທີ່ເຫມາະສົມ ແລະ ດີງາມຂອງທັງສອງຝ່າຍໃນການຮ່ວມມືພັດທະນາອຸດສາຫະກໍາລົດໄຟຟ້າ ແລະ ຍັງໄດ້ມີສ່ວນຮ່ວມຕໍ່ການເອົາໃຈໃສ່ດ້ານສິ່ງແວດລ້ອມ ແລະສັງຄົມເພື່ອໃຫ້ເປັນໄປຕາມນະໂຍບາຍຂອງລັດຖະບານກຳນົດທັງນີ້ກໍເພື່ອແນໃສ່ເພີ່ມຄວາມສະດວກສະບາຍ ແລະ ທັນສະໄໝ ແກ່ສັງຄົມອີກດ້ວຍ.

FacebookXPinterestLinkedinWhatsappTelegramEmail

Related Posts

ບໍ່ອະນຸຍາດໃຫ້ສະແດງຄຳເຫັນ.