ໃນວັນທີ 17 ມັງກອນ 2022 ທ່ານ ທີຮະ ວິຮະວົງ ຜູ້ອຳນວຍການ ບໍລິສັດ ພີທີທີ (ລາວ) ຈຳກັດ ພ້ອມຄະນະຜູ້ບໍລິຫານ ໄດ້ເຂົ້າອວຍພອນ ທ່ານ ຊານໄຊ ພົມສຸວັນ ຜູ້ອຳນວຍການໃຫ່ຍ ບໍລິສັດ ເອັສທີ-ເມືອງໄທປະກັນໄພ ພ້ອມຄະນະຜູ້ບໍລິຫານ ທີ່ສຳນັກງານໃຫຍ່ ບໍລິສັດ ເອັສທີ-ເມືອງໄທ ປະກັນໄພ. ເປັນການພົບປະຢ້ຽມຢາມ ປຶກສາຫາລືແລກປ່ຽນບົດຮຽນ ແນວທາງການດຳເນີນທຸລະກິດ ຄຽງຄູ່ກັບຍຸກສະໄໝໃໝ່ ພ້ອມທັງປັບແຜນການດຳເນີນທຸລະກິດແບບໃໝ່ໃນຍຸກ ໂຄວິດ-19. ...

ສະຖານີບໍລິການນໍ້າມັນ ພີທີທີ ວຽງຈະເລີນ ຕັ້ງຢູ່ ບ້ານວຽງຈະເລີນ, ເມືອງໄຊເສດຖາ, ນະຄອນຫຼວງວຽງຈັນ ໄດ້ເປີດໃຫ້ບໍລິການຢ່າງເປັນທາງການແລ້ວ ໃນວັນທີ 12 ມັງກອນ 2022 ທີ່ຜ່ານມາ. ໃຫ້ກຽດເຂົ້າຮ່ວມສະແດງຄວາມຍິນດີໂດຍ ທ່ານ ທີຣະ ວິຣະວົງ ຜູ້ອຳນວຍການ ບໍລິສັດ ພີທີທີ (ລາວ) ຈຳກັດ ພ້ອມດ້ວຍຄະນະຜູ້ບໍລິຫານ ພີທີທີ (ລາວ) ແລະ ທ່ານ ນາງ ສິລິໂສພາ ບຸດດາຄຳ ເຈົ້າຂອງສະຖານີບໍລິການນໍ້າມັນ ພີທີທີ ວຽງຈະເລີນ. ສະຖານີບໍລິການນໍ້າມັນ ພີທີທີ ວຽງຈະເລີນ ເປັນສະຖານີໃນຮູບແບບ Standard ມີຫ້ອງນໍ້າທີ່ສະອາດໄວ້ໃຫ້ບໍລິການ. ພາຍໃນສະຖານີປະກອບດ້ວຍທຸລະກິດ ຮ້ານ ຄາເຟ່ ອາເມຊອນ, ຮ້ານອາຫານ ແລະ ຮ້ານສະດວກຊື້ ເພື່ອອຳນວຍຄວາມສະດວກສະບາຍໃຫ້ແກ່ລູກຄ້າທີ່ເຂົ້າມາໃຊ້ບໍລິການ. ...

ໂຄງການປະກວດສະຖານີບໍລິການນໍ້າມັນ COCO ດີເດັ່ນ ຮອບທີ 2 ມີ ສະຖານີບໍລິການນໍ້າມັນເຂົ້າຮ່ວມປະກວດ 17 ສະຖານີ, ຜົນການຕັດສິນໃນຮອບນີ້ ເນື່ອງຈາກມີ 3 ສະຖານີທີ່ມີຜົນຄະແນນເທົ່າທຽມກັນຈຶ່ງໄດ້ຕັດສິນໃຫ້ 3 ສະຖານີໄດ້ຮັບລາງວັນທີ 1 ເຊິ່ງໄດ້ແກ່: ສະຖານີບໍລິການນໍ້າມັນ ພີທີທີ ຫຼວງພະບາງ, ເມືອງຫຼວງພະບາງ, ແຂວງຫຼວງພະບາງ. ສະຖານີບໍລິການນໍ້າມັນ ພີທີທີ ໄຊທານີ, ເມືອງໄຊທານີ, ນະຄອນຫຼວງວຽງຈັນ ແລະ ສະຖານີບໍລິການນໍ້າມັນ ພີທີທີ ດົງກະໂລງ, ເມືອງປາກເຊ, ແຂວງຈຳປາສັກ.   ເປັນໂຄງການທີ່ຈັດຂຶ້ນເພື່ອຍົກລະດັບມາດຕະຖານຂອງສະຖານີບໍລິການນໍ້າມັນໃຫ້ດີຂຶ້ນ, ສ້າງແຮງຈູງໃຈໃນການເຮັດວຽກໃຫ້ແກ່ພະນັກງານທີ່ປະຕິບັດໜ້າທີ່ໃນສະຖານີບໍລິການນໍ້າມັນ COCO ຂອງ ບໍລິສັດ ພີທີທີ (ລາວ) ຈຳກັດ ທົ່ວປະເທດ ແລະ ພັດທະນາການບໍລິການເພື່ອຮັບໃຊ້ສັງຄົມໃຫ້ດີຂຶ້ນເລື້ອຍໆ. ...